சிவகாசி, ஸ்ரீ காளீஸ்வரி கலை அறிவியல் கல்லூரியின் ஆங்கிலத் துறை மாணவர்களால் முன்னெடுக்கப்படும் முதுகலை இரண்டாமாண்டு ஆங்கிலத்துறை மாணவி இதழான “காளீஸ்வரி டைம்ஸி”-இன் வெளியீட்டு விழா நடைபெற்றது..
படைப்பாற்றலை வளர்ப்பது, எழுத்தாற்றலை மேம்படுத்துவது மற்றும் இதழியலின் வாயிலாக மாணவர்கள் உலகப் பிரச்சினைகளில் ஈடுபடுவதை ஊக்குவிப்பதே இவ்விழாவின் முக்கிய நோக்கமாகும். யுவமாலதி வரவேற்புரையாற்றினார். கல்லூரியின் முதல்வர் பாலமுருகன் அவர்கள் நிகழ்ச்சிக்குத் தலைமை தாங்கினார். அவர்தம் உரையில், தகவல் தொடர்புக்கும் சமூக மாற்றத்திற்கும் எழுத்து ஒரு வலிமையான கருவியாகத் திகழ்வதன் முக்கியத்துவத்தை வலியுறுத்தினார்.
மாணவர்களிடையே இலக்கிய மற்றும் இதழியல் சார்ந்த செயல்பாடுகளை ஊக்குவிப்பதில் ஆங்கிலத் துறை மேற்கொண்டு வரும் தொடர் முயற்சிகளை அவர் பாராட்டினார். முன்னதாக ஆங்கிலத் துறைத் தலைவரும் உதவிப்பேராசிரியருமான பெமின வாழ்த்துரை வழங்கினார். இந்தச் செய்திமடலை உருவாக்குவதில் மாணவர்கள் வெளிப்படுத்திய ஆர்வம், அர்ப்பணிப்பு மற்றும் குழுப்பணி ஆகியவற்றை அவர் வெகுவாகப் பாராட்டினார். விமர்சனச் சிந்தனை, படைப்பாற்றல் மற்றும் பொறுப்புள்ள குடியுரிமைப் பண்புகளை வளர்த்துக்கொள்ள இத்தகைய வாய்ப்புகளைப் பயன்படுத்திக்கொள்ளுமாறு மாணவர்களை ஊக்குவித்தார்.
மதுரை ‘தி இந்து’ நாளிதழின் முன்னாள் ஆசிரியரான திரு. எஸ். அண்ணாமலை அவர்கள், இதழியல் மற்றும் மக்கள் தொடர்பியல் பாடப்பிரிவிற்கான ‘நடைமுறைப் பேராசிரியராக’ (Professor of Practice) நியமிக்கப்பட்டிருந்தார். அவரது நிபுணத்துவம் வாய்ந்த வழிகாட்டுதலின் கீழ், செய்தி சேகரித்தல், செய்திகளைத் தொகுத்தல் மற்றும் சிறப்புக்கட்டுரைகள் எழுதுதல் போன்ற அத்தியாவசிய ஊடகத் திறன்களில் மாணவர்களுக்குப் பயிற்சியளிக்கும் வகையில், திறன் மேம்பாடு மற்றும் ஆற்றல் வளர்ப்பு சார்ந்த தொடர் நிகழ்ச்சிகள் ஏற்பாடு செய்யப்பட்டன. “காளீஸ்வரி டைம்ஸ்” இதழுக்கான சிறப்புக்கட்டுரைகளை எழுதுவதில் மாணவர்களுக்கு வழிகாட்டுவதிலும் பயிற்சியளிப்பதிலும் அவர் முக்கியப் பங்காற்றினார்.
16 கட்டுரைகளை உள்ளடக்கியுள்ள இதழின் முதல் பிரதியை திரு.எஸ்.அண்ணாமலை அவர்கள் வழங்க கல்லூரி முதல்வர் பெற்றுக்கொண்டார். இக்கட்டுரைகள் ஒவ்வொன்றும் மாணவர்களிடையே வளர்ந்து வரும் இதழியல் சார்ந்த உணர்திறனையும், சமூகப் பிரச்சினைகள் மீதான அவர்களது அர்ப்பணிப்பையும் பிரதிபலித்தன. முதுகலை இரண்டாமாண்டு ஆங்கிலத்துறை மானன சுபாலட்சுமி நன்றியுரை வழங்கினார்.