சிவகாசியில் புதிய தமிழகம் கட்சி தலைவர் டாக்டர் கிருஷ்ணசாமி வரும் ஜனவரி 7ம் தேதி மதுரையில் நடைபெற உள்ள புதிய தமிழகம் கட்சியின் மாநில மாநாடு குறித்த நிர்வாகிகளுடன் ஆலோசனை நடத்தினார்.
இதனைத் தொடர்ந்து செய்தியாளர்களை சந்தித்த அவர்,
கிராம ஊராட்சி, பேரூராட்சி, நகராட்சி, மாநகராட்சி பகுதிகளில் அடிப்படை வசதிகளான குடிநீர், போக்குவரத்து வசதிகள், வாறுகால், மயானம் உள்ளிட்ட அடிப்படைவசதிகள் முறையாக செய்து தரப்படவில்லை
தென் தமிழகத்தில் பல்வேறு விதமான அதிர்ச்சியளிக்கும் வகையில் கிராம மக்களுடைய நிலைமை இருக்கிறது.
எண்ணற்ற கிராமங்களில் இன்னும் ஏழை எளிய மக்களுக்காண மூன்று சென்ட் வீட்டு மனை, பட்டா கூட வழங்கப்படவில்லை
இப்படியேல்லாம் இருக்குமா என ஆச்சர்யப்படும் வகையில் பல கிராமங்களில் மக்கள் கோவில் நிலங்களில் வசிக்கின்றனர்.
ஊராட்சி பேரூராட்சிகளுக்கு மத்திய அரசு வழங்கும் பஞ்சாயத்துராஜ் திட்டத்தின் கீழ் வழங்கப்படும் நிதியில் மிகப்பெரிய முறைகேடு நடந்துள்ளதாக குற்றச்சாட்டை முன் வைத்ததார்,
ஊராட்சிகள் முறையாக செயல்படவில்லை, பட்டியலின மக்கள் வசிக்கும் பகுதிகளில் திட்டமிட்டு புறக்கணிக்கப்பட்ட வருகிறது.
அடிப்படை உரிமையாக இருந்த 100 நாள் வேலை தற்போது ஆண்டிற்கு 10 நாட்களுக்கு கூட கிடைக்காத அவல நிலை உள்ளது,
எனவே மீண்டும் விவசாயக் கூலி பணிக்கு செல்ல வேண்டிய நிலைக்கு தள்ளப்பட்டுள்ளனர்.
ஆனால் 100 நாள் வேலைக்கான 70 முதல் 80 சதவீத நிதி தமிழகத்திற்கு வழங்கப்பட்டுள்ளதாக மத்திய அரசு அறிக்கை வெளியிட்டுள்ளது,
ஆனால் அந்த நிதி என்ன ஆனது, ஏன் கிராம மக்களுக்கு 100 நாள் வேலை முற்றிலும் வழங்கப்படாமல் உள்ளது என்பதை மத்திய அரசு தனியாக ஒரு குழுவை அனுப்பி முழுமையாக ஆய்வு செய்ய வேண்டும், தேவைப்பட்டால் இதுகுறித்து விரைவில் மத்திய உள்துறை அமைச்சரை சந்தித்து இது குறித்து புகார் அளிக்க உள்ளதாக தெரிவித்துள்ளார்.
பட்டியலின மக்கள் புறக்கணிக்கப்படும் கிராமங்களில் மத்திய அரசு சிறப்பு குழுக்கள் அனுப்பி ஆய்வு நடத்தி நடவடிக்கை எடுக்க வேண்டும்
ஆட்சியில் பங்கு என்பது மற்ற கட்சியினரின் வெறும் அரசியல் கோஷமாக இருந்து வருகிறது.
சட்டமன்ற உறுப்பினர், நாடாளுமன்ற உறுப்பினர் நிதி என அரசின் நிதிகள் முறையாக மக்களுக்கு சென்று சேர்வதில்லை, அதன் காரணமாகவே குடிநீரை விலை கொடுத்து வாங்கும் அவல நிலை ஏற்பட்டுள்ளது.
ஊழலற்ற ஆட்சி இருந்தால் மட்டும்தான் தமிழக மக்களுக்கு நல்லது கிடைக்கும்,
அரசு மதுபான கடை மூலமாக அனைத்து கிராமங்களிலும் இளைய தலைமுறையினர் குடிப்பழக்கத்திற்கு ஆளாகி தங்களது வாழ்வை அழித்துக் கொண்டிருக்கிறார்கள்
மிகப்பெரிய அளவிற்கு குடிப்பழக்கத்தால் தமிழ் சமூகம் சீரழிந்து கொண்டிருக்கிறது. பொருளாதாரம் பின்னோக்கி செல்கின்றது.
டாஸ்மாக் கடைகளின் எண்ணிக்கையை குறைப்பதாக தேர்தல் அறிக்கையில் கூறினார்கள்.
ஆனால் குறைக்கவில்லை. மாறுதலாக தனியார் மதுபான கடை ரெக்கரியேசன் கிளப் என்ற பெயரில் கடைகளின் எண்ணிக்கை அதிகரித்து வருவது வேதனையை ஏற்படுத்துகிறது.
மதுபான கடைகள் வேண்டாம் என்பதே ஒட்டுமொத்த தமிழ் பெண்களின் கோரிக்கையாக உள்ளது.
தமிழகத்தில் உழைப்பாளி மக்கள் வாழும் பகுதியை குறிவைத்து அவர்கள் குடியிருக்கும் பகுதிகளில் டாஸ்மாக் கடையை அமைந்துள்ளது. கொலை குற்றத்திற்கு சமமானது,
டாஸ்மாக் கடை அமைந்துள்ளது விஷத்தை வைத்து கொல்வதற்கும் வழிப்பறி செய்வதற்கும் சமமானது.
தமிழகத்தில் மதுவுக்கும் ஊழலுக்கும் முற்றுப்புள்ளி வைத்து மக்கள் வரிப்பணம் மக்களுக்கு சொல்ல வேண்டுமென்றால் ஒற்றை கட்சி ஆட்சிமுறைக்கு முடிவு கட்ட வேண்டும்
கூட்டணி ஆட்சி அமைந்தால் மட்டுமே தமிழகத்திற்கு விடிவு காலம் வரும்
புதிய தமிழகம் கட்சி தமிழகத்தில் 2026 சட்டமன்றத் தேர்தலில் கூட்டணி ஆட்சி அமைக்க வேண்டும் என்பதில் உறுதியாக உள்ளது.
இனிமேல் தமிழகத்தில் ஒற்றைக்கட்சி ஆட்சி முறை அமைந்தால் தமிழக மக்களை யாரும் காப்பாற்ற முடியாது, இதனை முடிவு கட்ட வேண்டியதுதான் புதிய தமிழகம் கட்சியின் பிரதான லட்சியம்
இப்போதைக்கு யாருடைய பார்வையும் எங்கள் பக்கம் வரவில்லை, எங்கள் பார்வையும் யாரிடமும் செலவில்லை,
2026 ஜனவரி மாநாட்டுக்கு பின்னர் கூட்டணி குறித்து முடிவு செய்வோம்
தமிழகத்தில் மூன்றாவது அணி அமையும் என்பதெல்லாம் இல்லை, ஒற்றைக்கட்சி ஆட்சி முறையை தமிழக மக்கள் இனிமேல் ஏற்றுக்கொள்ள மாட்டார்கள்
புதிய தமிழகம் அதிமுக கூட்டணியில் நீடிக்கிறதா என்ற கேள்விக்கு பதிலளித்த கிருஷ்ணசாமி தற்போது எப்படி இருக்க வேண்டுமோ அப்படி இருக்கிறோம் என மழுப்பலான பதிலை கூறினார்.