தங்கம் விலை தொடர்ந்து 2வது நாளாக குறைந்து வருகிறது.தங்கம் விலையில் சில நாட்களாக ஏற்ற தாழ்வு காணப்பட்டு வரும் நிலையில் நேற்று பவுனுக்கு ரூ.160 குறைந்து ரூ.37 ஆயிரத்து 800-க்கு விற்றது. இந்த நிலையில் இன்று 2-வது நாளாக தங்கம் விலை குறைந்தது. சென்னையில் இன்று காலை ஆபரண தங்கத்தின் விலை பவுனுக்கு ரூ.192 குறைந்து ரூ.37 ஆயிரத்து 608-க்கு விற்றது. ஒரு கிராம் தங்கம் ரூ.4 ஆயிரத்து 701 ஆக உள்ளது. வெள்ளி கிலோவுக்கு ரூ.600 குறைந்து ரூ.61 ஆயிரத்து 800 ஆக உள்ளது. ஒரு கிராம் வெள்ளி ரூ.61.80-க்கு விற்கிறது. இரண்டு நாட்களில் தங்கம் பவுனுக்கு ரூ.352 குறைந்துள்ளது.