ஊட்டியில் தயாரிக்கப்படும் ஹோம் மேட் சாக்லேட் உலகப் பிரசித்தி பெற்றது. அதனை அங்கு வரும் சுற்றுலா பயணிகள் விரும்பி வாங்கி செல்கின்றனர். அதுமட்டுமல்லாமல் இந்த சாக்லேட்டுகள் வெளி மாநிலங்களுக்கும் வெளிநாடுகளுக்கும் ஏற்றுமதி செய்யப்படுகிறது. இந்நிலையில் ஊட்டி ஹோம் மேட் சாக்லேட்-க்கு புவிசார் குறியீடு வழங்க தமிழக அரசு நடவடிக்கை எடுத்து இந்த பாரம்பரிய ஹோம் மேட் சாக்லேட் தயாரிப்பு பாதுகாக்க வேண்டும் என்று கோரிக்கைகள் எழுந்துள்ளன.
சுற்றுலா தலமான ஊட்டியில் சீசன் நேரத்தில் சுமார் 5 லட்சம் கிலோ வரையில் இருக்கும் இந்த சாக்லேட்டுகள் இப்போது ஏற்றுமதியும் ஆகிறது.சுமார் 200 ஆண்டுகளாக தொடரும் இந்த பாரம்பரிய தயாரிப்பை அரசு பாதுகாக்க நடவடிக்கை எடுக்க வேண்டும் என தொழிலாளர்கள் கோரிக்கை வைத்துள்ளனர்.