நாளை (ஜூலை 4) சி.பி.எஸ்.ஈ 10ம் வகுப்பு தேர்வர்களுக்கான முடிவுகள் வெளியாக வாய்ப்பு இருப்பதாக தகவல்கள் வெளியாகி உள்ளன.
சிபிஎஸ்இ 10 ஆம் வகுப்பு 2 பருவத் தேர்வுகள் கடந்த ஏப்ரல் 26 முதல் மே 24 ஆம் தேதி வரை நடைபெற்றன. இந்த நிலையில் சிபிஎஸ்இ 10 ஆம் வகுப்பு தேர்வு முடிவுகள் நாளை வெளியாகும் என எதிர்பார்க்கப்படுகிறது. தேர்வு முடிவுகள் வெளியானதும் மாணவர்கள் அதிகாரப்பூர்வ இணையதளமான cbse.gov.in இல் தேர்வு முடிகளை பார்த்துக்கொள்ளலாம். மேலும் எஸ்எம்எஸ் மூலமாகவும் சிபிஎஸ்இ 10 ஆம் வகுப்பு தேர்வு முடிவுகள் மாணவர்களுக்குக் கிடைக்கும். சிபிஎஸ்இ வட்டார தகவல்களின் படி, 10 மற்றும் 12 ஆம் வகுப்புகளுக்கான மதிப்பீட்டு செயல்முறை முடிந்துவிட்டது என்றும் சிபிஎஸ்இ 10 ஆம் வகுப்பு தேர்வு முடிவுகள் முதலில் அறிவிக்கப்படும் என்றும் கூறப்படுகிறது.
மேலும் சிபிஎஸ்இ 10 ஆம் வகுப்பு தேர்வு முடிவுக்கான தற்காலிக தேதியாக ஜூலை 4 (நாளை) நிர்ணயிக்கப்பட்டுள்ளதாகவும் கூறப்படுகிறது. இருந்த போதிலும் இதுக்குறித்த அதிகாரப்பூர்வ தகவல் ஏதும் இல்லை. முடிவுகள் வெளியானதும், மாணவர்கள் cbse.gov.in, cbseresults.nic.in என்ற இணையதளங்களில் அவற்றைச் சரிபார்க்க முடியும். அதுமட்டுமின்றி சிபிஎஸ்இ-யின் புதிய போர்டலான parikshasangam.cbse.gov.inஇலும் முடிவுகள் வெளியிடப்படும் என்று கருதப்படுகிறது.
