மனமே அனைத்திற்கும் காரணம். நாம் என்ன நினைக்கிறோமோ அதுவாகவே நாம் ஆகிறோம்.என்று கவுதம புத்தர் சொன்ன பொன்மொழியுடன் Bloody Politics படத்தின் டைட்டில் டீசர் தொடங்குகிறது.
தீனா ராகவன் இயக்கியுள்ள இந்தத் திரைப்படம், ஒரு வலுவான அரசியல் மனோபாவத்தை உருவாக்குகிறது.
டீசர் மெதுவாக தனது உலகத்திற்குள் பார்வையாளர்களை இழுத்துச் செல்கிறது. இதில் மூத்த நடிகர் ஜெயபாலன் நடித்துள்ள முதியவருக்கான கதாபாத்திரத்துக்கும், கதாநாயகனின் குரலுக்கும் இடையே நடைபெறும் உரையாடல் முக்கிய அம்சமாக உள்ளது.
ஒரு கொடிக்கம்பத்தின் அர்த்தமும் அதன் அரசியல் அடையாளமும் குறித்து அவர்கள் பேசும் இந்த உரையாடல், C.N.அண்ணாதுரை முதல் நடிகர் விஜய் வரை உள்ள அரசியல் குறிப்புகளை நுட்பமாக இணைக்கிறது.
இந்தக் காட்சிகளை எல்லாம் சமூக இயக்குநர் ராஜு முருகன் எழுதிய கூர்மையான வசனங்கள் உயிர்ப்பிக்கின்றன.
அதனைத் தொடர்ந்து, பின்னணி குரல் ஒலிப்பதிவுடன் இணைந்து பல அதிரடியான ஆக்ஷன் காட்சிகள் தொடர்ச்சியாக மான்டாஜ் வடிவில் வெளிப்படுகின்றன.
இறுதியில், கதாநாயகன் கெளதம் ராம் கார்த்திக் அவர்களின் வலுவான தோற்றத்துடன், மிகப்பெரிய தாக்கத்தை ஏற்படுத்தக்கூடிய படத்தின் தலைப்பான “Bloody Politics” வெளிப்படுகிறது.
தீவிரமான கதை சொல்லலும் வலுவான காட்சிப்படுத்தலும் கொண்ட இந்த டீசர் பார்வையாளர்களிடம் ஆழமான தாக்கத்தை ஏற்படுத்துகிறது.
தொழில்நுட்ப ரீதியாகவும் இந்த டீசர் சிறப்பாகத் திகழ்கிறது. ஒளிப்பதிவாளர் பிரதீப் காளிராஜா காட்சிகளுக்கு கடினமான மற்றும் நிஜத்தன்மை மிக்க தோற்றத்தை அளிக்க, இசையமைப்பாளர் சாம் C. S. ன் மிரட்டலான பின்னணி இசை டீசரின் தீவிரத்தையும் நாடகத் தன்மையையும் மேலும் உயர்த்துகிறது.
இந்தத் திரைப்படத்தில் கெளதம் ராம் கார்த்திக் கதாநாயகனாக நடித்துள்ள நிலையில், கதாநாயகியாக அஞ்சனா நேத்ருன் நடித்துள்ளார்.
மேலும் செல்வராகவன் முக்கியமான கதாபாத்திரத்தில் நடிக்கிறார்.
இவர்களுடன் ரோபி, P. வாசு, A. வெங்கடேஷ், மாறன், இந்துமதி, ஆதித்யா கதிர், பாக்கியம் சங்கர் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
கணேஷ் K. பாபு (DaDa படத்தின் இயக்குநர்) தனது தயாரிப்பு நிறுவனமான Draft by GKB மூலம் இந்தப் படத்தை தயாரித்துள்ளார்.
இணை தயாரிப்பாளராக சஞ்சய் முத்துக்குமார் V உள்ளார்.
டைட்டில் டீசரை பார்க்கும் பொழுது, அது இயக்குநர் தீனா ராகவன் அவர்களின் தன்னம்பிக்கையூட்டும் இயக்கத் திறமையை வெளிப்படுத்துகிறது.
படத்தின் தொழில்நுட்பக் குழுவில் கலை இயக்குநராக தா. ராமலிங்கம் , எடிட்டராக தீபக் S பணியாற்றுகின்றனர்.
பாடல் வரிகளை யுகபாரதி, கணேஷ் K. பாபு மற்றும் சௌமியா பாரதி D எழுதியுள்ளனர். கூடுதலாக காஸ்ட்யூம் டிசைனராக காயத்ரி பாலசுப்ரமணியன் , ஸ்டண்ட் இயக்குநராக அபிஷேக் ஸ்ரீனிவாஸ், நிர்வாக தயாரிப்பாளராக துரை கார்த்திக் பணியாற்றியுள்ளனர்.
மக்கள் தொடர்பு பொறுப்பை ரேகா மேற்கொள்கிறார்.
வலுவான அரசியல் பின்னணி, தாக்கம் மிக்க காட்சிகள் மற்றும் திறமையான தொழில்நுட்பக் குழுவுடன், Bloody Politics படம் ஒரு புதுமையான திரையரங்க அனுபவத்தை வழங்கும் என்று எதிர்பார்க்கப்படுகிறது.
இதன் சக்திவாய்ந்த டைட்டில் டீசர் ஏற்கனவே ரசிகர்களிடையே பெரும் எதிர்பார்ப்பை உருவாக்கியுள்ளது.