திருமங்கலம் அருகே ஓடும் பேருந்தில் இருந்து குதித்து தற்கொலை செய்து கொண்ட பணித்தள பொறுப்பாளரின் 4 வயது மகள் பாம்பு கடித்து பலியான சம்பவம் சோகத்தை ஏற்படுத்தி உள்ளது – உயிரிழந்த சிறுமியின் சகோதரி தீவிர சிகிச்சை பிரிவில் அனுமதி.
திருமங்கலம் அருகே ஊராட்சி மன்ற துணைத் தலைவர், ஊராட்சி செயலாளர் மிரட்டல் விடுத்த நிலையில் ஓடும் பேருந்தில் இருந்து குதித்து தற்கொலை செய்து கொண்ட பணித்தள பொறுப்பாளர் நாகலட்சுமி என்பவரது 2 பிள்ளைகளை தோட்டத்தில் நல்ல பாம்பு கடித்தது. மயங்கிய சிறுமிகளுக்கு மருத்துவமனையில் சிகிச்சை அளித்து வந்த நிலையில்., நான்காவது மகள் சிகிச்சை பலனின்றி உயிரிழந்த சம்பவம் சோகத்தை ஏற்படுத்தியுள்ளது. மேலும்., ஒரு சிறுமிக்கு மருத்துவமனையில் தீவிர சிகிச்சை அளிக்கப்பட்டு வருகிறது.
மதுரை மாவட்டம் திருமங்கலத்தை அடுத்த கள்ளிக்குடி தாலுகா மையிட்டான்பட்டி கிராமத்தைச் சேர்ந்த கணேசன் மனைவி நாகலட்சுமி., பணித்தள பொறுப்பாளராக பணியாற்றி வந்த இவரை ஊராட்சி மன்ற துணை தலைவர் மற்றும் ஊராட்சி செயலாளர், வார்டு உறுப்பினர் உட்பட 3 பேர் பணி செய்ய விடாமல் தொடர்ந்து மிரட்டல் விடுத்து வந்ததால் நாகலட்சுமி கடந்த ஏப்ரல் மாதம் சிவரக்கோட்டை அருகே ஓடும் பேருந்தில் இருந்து குதித்து தற்கொலை செய்து கொண்டார். இச்சம்பவம் திருமங்கலம் சுற்றுவட்டார பகுதியில் பெரும் பரபரப்பை ஏற்படுத்தியது.
இந்த நிலையில் இறந்த நாகலட்சுமிக்கு 5 பெண் குழந்தைகள் உள்ளனர். மனைவி இறப்புக்கு பின் குழந்தைகளை தந்தை கணேசன் பராமரித்து வருகிறார். கணேசன் நேற்று வீட்டின் அருகில் உள்ள தோட்டத்திற்கு தனது இரண்டாவது மகள் விஜயதர்ஷினி 9 நான்காவது மகள் சண்முகப்பிரியா 4 இருவரையும் அழைத்துச் சென்றுள்ளார். கணேசன் வயலில் இறங்கி வேலை செய்து கொண்டிருந்தார். இரண்டு சிறுமிகளும் தோட்டத்தில் உள்ள தண்ணீர் தொட்டி அருகே விளையாடிக் கொண்டிருந்த நிலையில் தொட்டியின் அருகே இருந்த புதருக்குள் இருந்து திடீரென வெளியே வந்த பாம்பு இரண்டு சிறுமிகளையும் கடித்தது.
இதனால் இரு சிறுமிகளும் அலறி துடித்து மயங்கி விழுந்துள்ளனர். குழந்தைகளின் அலறல் சத்தம் கேட்டு ஓடிவந்த கணேசன் மயங்கி நிலையில் கிடந்த பிள்ளைகளை கண்டு அதிர்ச்சியுற்றார். காரணம் குறித்து ஆய்வு செய்தபோது அப்பகுதியில் நான்கடி நீள நல்ல பாம்பு ஒன்று சென்றதைக் கண்டு பாம்பு கடித்ததால் பிள்ளைகள் மயங்கி விழுந்துள்ளனர். நல்ல பாம்பு என்பதை அறிந்து பாம்பை கொன்று விட்டு கணேசன் இரண்டு பிள்ளைகளையும் உறவினர்கள் உதவியுடன் விருதுநகர் அரசு மருத்துவமனைக்கு சிகிச்சைக்காக கொண்டு சென்றார்.
அங்கு இரண்டு சிறுமிகளுக்கும் மருத்துவர்கள் தீவிர சிகிச்சை அளித்து வந்த நிலையில் நான்கு வயது சிறுமி சண்முகப்பிரியா சிகிச்சை பலனின்றி இன்று அதிகாலை உயிரிழந்தார். இரண்டாவது மகள் விஜயதர்ஷினிக்கு தொடர்ந்து மருத்துவர்கள் சிகிச்சை அளித்து வருகின்றனர். ஐந்து குழந்தைகளின் தாய் நாகலட்சுமி தற்கொலை செய்து கொண்ட சோக நிகழ்வு மறைவதற்குள் அவரின் நான்காவது மகள் பாம்பு கடித்து உயிரிழந்த சம்பவம் மையிட்டான்பட்டி கிராமத்தில் மேலும் சோகத்தை உருவாக்கியுள்ளது.
இந்த நிலையில் சிறுமிகளை பாம்பு கடித்த சம்பவம் அறிந்த கள்ளிக்குடி போலீசார் வழக்கு பதிவு செய்து விசாரணை மேற்கொண்டு வருகின்றனர். மேலும் இறந்த சிறுமியின் உடலை பிரேத பரிசோதனைக்காக விருதுநகர் அரசு மருத்துவமனையில் வைத்தனர்
- பசுமைப்புரட்சியின் தந்தை எம்.எஸ்.சுவாமிநாதன் மறைவு : தலைவர்கள் இரங்கல்..!
பிரபல வேளாண் விஞ்ஞானியும் இந்திய பசுமைப் புரட்சியின் தந்தை என்று அழைக்கப்படுபவருமான எம்.எஸ்.சுவாமிநாதன் நேற்று (செப்.,28) … Read more - ஜெயம் ரவி நடித்த ‘இறைவன்’ திரைவிமர்சனம்..!
சமீபத்தில் வெளியான பொன்னியின் செல்வன் திரைப்படத்திற்குப் பிறகு, ஜெயம் ரவியின் மார்க்கெட் தொடர்ந்து உயர்ந்து கொண்டேதான் … Read more - ஆசிய விளையாட்டு : பெண்கள் துப்பாக்கி சுடுதல் போட்டியில் இந்தியாவுக்கு தங்கப்பதக்கம்..!
துப்பாக்கி சுடுதல் பெண்கள் 10 மீட்டர் ஏர் பிஸ்டல் பிரிவில் இந்திய வீராங்கனைகள் தங்கம், வெள்ளிப்பதக்கம் … Read more - வங்கக்கடலில் உருவானது புதிய காற்றழுத்த தாழ்வுப்பகுதி..!
வங்கக்கடலில் புதிய காற்றழுத்த தாழ்வுப்பகுதி உருவாகியுள்ளதாக சென்னை வானிலை ஆய்வு மையம் அறிவித்துள்ளது.இந்த ஆண்டுக்கான தென்மேற்கு … Read more - குற்றவழக்குகளில் தொடர்புடையவருக்கு பா.ஜ.க.வில் பதவி..!
இருநூறுக்கும் மேற்பட்ட குற்றவழக்குகளில் தொடர்புடைய ஒருவருக்கு பா.ஜ.க.வில் மாநில பதவி வழங்கியிருப்பது அக்கட்சியினரிடையே அதிருப்தியை ஏற்படுத்தி … Read more - வாச்சாத்தி வன்கொடுமை வழக்கில் உயர்நீதிமன்றம் பரபரப்பு தீர்ப்பு..!
வாச்சாத்தி வன்கொடுமை வழக்கில் சென்னை உயர்நீதிமன்றம் 215 பேருக்கு தண்டனை வழங்கி பரபரப்பான தீர்ப்பை வெளியிட்டுள்ளது.வாச்சாத்தி … Read more - ‘ஹிட்லர்’ படத்தின் ஃபர்ஸ்ட் லுக் வெளியீடு..!
இயக்குநர் தனா இயக்கத்தில், விஜய் ஆண்டனி நடிக்கும் “ஹிட்லர்” படத்தின் ஃபர்ஸ்ட் லுக் வெளியாகியுள்ளது.விஜய் ஆண்டனியின் … Read more - குமரி கிழக்கு மாவட்ட அதிமுக செயலாளராக தளவாய் சுந்தரம் நியமனம்..!
அதிமுகவில் குமரி கிழக்கு மாவட்டச் செயலளராக தளவாய்சுந்தரம் நியமிக்கப்பட்டுள்ளார்.ஜெயலலிதா முதல்வராக இருந்த காலையில் ஒன்றுபட்ட குமரி … Read more - சிவகாசி அருகே, பூட்டியிருந்த பட்டாசு கடையில் பயங்கர தீ விபத்து..!
விருதுநகர் மாவட்டம் சிவகாசி அருகேயுள்ள பாறைப்பட்டி பகுதியில், பட்டாசு கடையில் ஏற்பட்ட பயங்கர தீ விபத்தில் … Read more - திருப்பங்கள் தந்திடும் திருப்பாம்பரம் கோயிலில் இராகு,கேது பெயர்ச்சி !
அஷ்டமா நாகர்களும் தனித்தனியாக வழிபாடு செய்துள்ள வெவ்வேறு பழம்பெருமை வாய்ந்த தலங்கள் பல இருப்பினும்இந்த எட்டு … Read more - நற்றிணைப் பாடல் 260:
கழுநீர் மேய்ந்த கருந் தாள் எருமைபழனத் தாமரைப் பனிமலர் முணைஇ,தண்டு சேர் மள்ளரின் இயலி, அயலதுகுன்று … Read more - சிந்தனைத்துளிகள்
உலகில் இருக்கக் கூடிய பழங்கள் ஒன்று சேர்ந்து ஒரு மாநாட்டைக் கூட்டின.எந்தப் பழம் அதிகச் சுவையுடையது, … Read more - பொது அறிவு வினா விடைகள்
ஐக்கிய நாடுகளின் வளர்ச்சித் திட்டம் (UNDP). இந்தோசீனா போர் 1946 – ஏப்ரல் 1975 க்கு … Read more - குறள் 537:
அரியஎன்று ஆகாத இல்லைபொச் சாவாக்கருவியால் போற்றிச் செயின். பொருள் (மு.வ): மறவாமை என்னும் கருவிகொண்டு (கடமைகளைப்) … Read more - முதல்முறையாக சாலைகளில் போக்குவரத்து விதிகளை மீறி வாகனம் ஓட்டி வரும் நபர்களை கண்காணித்து, புகைப்பட பிரிண்டிங் செய்யும் ரேடார் கருவியை பயன்பாட்டிற்கு தொடங்கி வைத்தார் – எஸ்பி. ஹரி கிரண் பிரசாத்
கன்னியாகுமரி மாவட்டம் நாகர்கோவிலில் முதல்முறையாக சாலைகளில் போக்குவரத்து விதிகளை மீறி வாகனம் ஓட்டி வரும் நபர்களை … Read more