செஸ் ஒலிம்பியாட்.. டிக்கெட் புக் பண்ண இணையதள முகவரி

மாமல்லபுரத்தில் நடைபெற உள்ள செஸ் ஒலிம்பியாட் போட்டிக்கான டிக்கெட் விற்பனை இணையதளம் மூலம் தொடங்கியுள்ளது.
செங்கல்பட்டு மாவட்டம் மாமல்லபுரத்தில், வருகிற 28-ம் தேதி தொடங்கி ஆகஸ்ட் மாதம் 10-ம் தேதி வரை 44-வது சர்வதேச செஸ் ஒலிம்பியாட் போட்டிகள் நடைபெற உள்ளது. இதற்காக, பூஞ்சேரியில் உள்ள ‘போர் பாயிண்ட்ஸ்’ அரங்கத்தில் பிரம்மாண்டமான ஏற்பாடுகள் செய்யப்பட்டுள்ளன.இதில், 188 நாடுகளைச் சேர்ந்த 2000-க்கும் மேற்பட்ட செஸ் வீரர்கள் மற்றும் வீராங்கனைகள் பங்கேற்கின்றனர். இதற்கான ஏற்பாடுகளை தமிழக அரசு மேற்கொண்டு வருகிறது.இந்நிலையில், இந்த போட்டிக்கான டிக்கெட் விற்பனை தொடர்பான அறிவிப்பை அகில இந்திய செஸ் கூட்டமைப்பு வெளியிட்டுள்ளது. 2 அரங்கில் போட்டிகள் நடைபெறுவதால், தனித் தனியாக டிக்கெட் விற்பனை செய்யப்படவுள்ளது.முதல் இடத்திற்கு ரூ.300 முதல் ரூ.3,000 வரை கட்டணம் நிர்ணயம் செய்யப்பட்டுள்ளது. 2வது இடத்திற்கு ரூ.200 முதல் ரூ.2,000 ஆயிரம் வரை கட்டணம் நிர்ணயம் செய்யப்பட்டுள்ளது.
பொதுமக்கள் https://tickets.aicf.in என்ற இணையதளம் மூலம் டிக்கெட்டுகளை முன்பதிவு செய்து கொள்ளலாம் என்று தெரிவிக்கப்பட்டுள்ளது.