ப்ளு சட்டை மாறனின் ~ஆண்டி இந்தியன்| படம் வரும் டிசம்பர் மாதம் வெளியாகவுள்ளது.
யூடியூப்பில் பிரபல சினிமா விமர்சகராக வலம் வரும் ப்ளு சட்டை மாறன், ‘ஆண்டி இந்தியன்| படத்தின் மூலம் இயக்குநராகியுள்ளார். |ஆடுகளம்| நரேன், ராதாரவி உள்ளிட்டவர்கள் நடித்திருக்கிறார்கள்.
ஆதம் பாவா தயாரிப்பில் கதை, திரைக்கதை, வசனம் எழுதி இயக்கியிருப்பதோடு இசையமைப்பாளராகவும் பணிபுரிந்துள்ளார் ப்ளு சட்டை மாறன்.
இப்படத்திற்கு யுஃஏ சான்றிதழ் வழங்கப்பட்டுள்ள நிலையில், சமீபத்தில் டிரெய்லர் வெளியாகி வசனங்கள் கவனம் ஈர்த்தன. இந்த நிலையில், ~ஆண்டி இந்தியன்| படம் வரும் டிசம்பர் மாதம் தியேட்டர்களில் வெளியாகிறது என்று தனது ட்விட்டர் பக்கத்தில் அறிவித்திருக்கிறார் ப்ளு சட்டை மாறன்.