• Wed. Nov 18th, 2026

படித்ததில் பிடித்தது

Byவிஷா

Mar 26, 2025

எரிவதில் தீபம் அழகானது
சுடுவதில் சூரியன் அழகானது
சுற்றுவதில் புவி அழகானது
வளர்வதில் பிறை அழகானது

மின்னுவதில் விண்மீன் அழகானது
தவழ்வதில் குழந்தை அழகானது
குதிப்பதில் கடல் நீர் அழகானது
உறைவதில் பனி அழகானது

விளைவதில் பயிர்கள் அழகானது
தலை சாய்ப்பதில் நெற்கதிர் அழகானது
குளிர்ச்சியில் தென்றல் அழகானது
உழைப்பதில் வியர்வை அழகானது

பாடுவதில் குயில் அழகானது
பறப்பதில் புறா அழகானது
கலைகளில் அறுபத்து நான்கும் அழகானது
உறவினில் நட்பு அழகானது

மலர் வாசனையில் மல்லிகை அழகானது
மொழிகளில் அழகானது மழலை
மலர்களில் ரோஜா அழகானது
கலர்களில் கருப்பே அழகானது

கலாச்சாரத்தில் நம் நாடே அழகானது
இத்தனைக்கும் இதற்கு மேலேயும்
எப்போதும் தாய்மை அழகானது
இதை உணர்ந்த அத்தனை உள்ளங்களும் அழகானது

இதைவிட வேறு என்ன வேண்டும் வாழ்வில்
குறை ஒன்றும் இல்லையே
அழகான வாழ்க்கையை ஆராதிப்போம்.