சென்னை அடுத்த வண்டலூரில் அமைந்துள்ள தனியார் அறிவியல் மற்றும் தொழில்நுட்ப நிறுவனத்தில், தேசிய அளவிலான BuildX Hackathon 2026 நிகழ்ச்சி இன்று தொடங்கியது.
இந்த நிகழ்ச்சியில் ஹைதராபாத்தில் செயல்படும் தொழில்நுட்பம் மற்றும் புதிய தொழில் தொடக்க நிறுவனங்களை ஊக்குவிக்கும் அமைப்பான (AIC T-hub) மற்றும் கிரசன்ட் நிறுவனம் இணைந்து ஏற்பாடு செய்துள்ள, இந்த ஹேக்கத்தானில், தமிழ்நாடு, தெலங்கானா, கர்நாடகா, கேரளா மற்றும் ஆந்திரப் பிரதேசம் ஆகிய 5 மாநிலங்களை சேர்ந்த 29 கல்வி நிறுவனங்களில் இருந்து 574 மாணவர்கள், 166 குழுக்களாக பங்கேற்றுள்ளனர்,
36 மணி நேரம் நடைபெறும் இந்த ஹேக்கத்தானில், துணைவேந்தர் டாக்டர் A. பீர் முகமது தலைமையுரை ஆற்றினார்,
சிறப்பு விருந்தினராக பங்கேற்ற சர்வதேச புத்தொழில் அறக்கட்டளை-ன் நிறுவனர் டாக்டர் ஜே. ஏ. சௌதரி, தனது தொழில்முனைவோர் அனுபவங்களை பகிர்ந்து கொண்டதுடன், வரவிருக்கும் புதிய தொழில் முனைவோர் திருவிழா நிகழ்வில் பங்கேற்குமாறு மாணவர்களுக்கு அழைப்பு விடுத்தார். கௌரவ விருந்தினராக பங்கேற்ற தொழில்நுட்பப் புத்தொழில் வளர்ச்சி மையம் (T-hub) இன் பாதுகாப்பு ஆலோசகர் பிரிகேடியர் டாக்டர் கந்தர் சேத்தி, பாதுகாப்பு துறையில் உள்நாட்டு தொழில்நுட்பங்களின் தேவை குறித்து விளக்கினர்.