கோயம்புத்தூரைச் சேர்ந்த தங்க நகை வடிவமைப்பாளர் UMT ராஜா, தனது தனித்துவமான கலைப்படைப்புகளுக்காக அறியப்படுபவர். கமல்ஹாசனின் உருவப்படத்தை முத்தங்களால் உருவாக்கியது. தேர்தல் விழிப்புணர்வுக்காக 2 கிராம் தங்கத்தில் பூட்டு-சாவி வடிவமைத்தது, தர்பூசணியில் சுதந்திர தியாகிகளை செதுக்கியும், பொதுமக்களிடம் விழிப்புணர்வை ஏற்படுத்தி வருகின்றார்.
இந்த நிலையில் வருகின்ற சட்டமன்ற தேர்தலில் 100 % அனைவரும் வாக்களிக்க வேண்டும் என்பதை வலியுறுத்தி, இருசக்கர வாகனத்தை இயக்கியவாறு 100% “எனது வாக்கு, எனது உரிமை” என எழுதியும், கைவிரலில் மை இருப்பதுபோல , வாயில் பிரஷை வைத்து வெள்ளைத்தாளில், வரைந்து விழிப்புணர்வை ஏற்படுத்தியது சர்ச்சையை ஏற்படுத்தியுள்ளது. இரு சக்கர வாகனத்தில் குழந்தை உட்பட மூன்று பேர் அமர்ந்திருக்கின்றனர்.
யாரும் ஹெல்மெட் அணியவில்லை. போக்குவரத்து விதிமுறைகளை மீறி , இருசக்கர வாகனத்தை இயக்கியவாறு, விழிப்புணர்வை ஏற்படுத்துகிறேன் என்கிற பெயரில், உயிருக்கு ஆபத்தான முறையில் செயல்படுவதை காவல்துறை கண்டிப்பதோடு உரிய நடவடிக்கை எடுக்க வேண்டுமென என சமூக ஆர்வலர்கள் கோரிக்கை விடுத்துள்ளனர்.