மதுரையில் டெங்கு காய்ச்சலால் 4 வயது பெண் குழந்தை சிகிச்சை பலனின்றி உயிரிழந்தார்.மதுரையில் நேற்று ஒரே நாளில் மட்டும் 5 பேர் டெங்கு காய்ச்சலால் பாதிக்கட்டுள்ள நிலையில், தனியார் மருத்துவமனையில் அனுமதிக்கப்பட்டிருந்த சிறுமி உயிரிழந்தார்.மதுரை மாவட்டத்தில் டெங்கு பாதிப்புக்குள்ளாகி நேற்று ஒரே நாளில் 5 பேரும், நடப்பு ஆகஸ்ட் மாதத்தில் மொத்தமாக 40 பேரும் சிகிச்சை பெற்று, பலர் குணமடைந்து வீடு திரும்பியுள்ளனர்.இதில் நேற்று பாதிக்கப்பட்ட 5 நபரில் 3 நபர் தனியார் மருத்துவமனையிலும், 2 நபர் அரசு ராஜாஜி மருத்துவமனையிலும் சிகிச்சை பெற்று வருகின்றனர்.மதுரை சந்தைப்பேட்டை பகுதியை சேர்ந்த 4 வயது பெண் குழந்தை டெங்கு பாதிப்பால் கடந்த ஆகஸ்ட் 19 ஆம் தேதியன்று தனியார் மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி நேற்றிரவு உயிரிழந்தார்.
