சாத்தூர் சட்டமன்றத் தொகுதிக்குட்பட்ட வெம்பக்கோட்டை கிழக்கு ஒன்றியப் பகுதிகளில் மதச்சார்பற்ற முற்போக்கு கூட்டணி சார்பில் தீவிர வாக்கு சேகரிப்பு நடைபெற்றது. வெற்றிலையூரணி, அயன் சல்வார்பட்டி, கீழதாயில்ப்பட்டி, சுப்ரமணியபுரம், வெம்பக்கோட்டை, கனஞ்சாம்பட்டி, விஜய கரிசல்குளம் உள்ளிட்ட கிராமங்களில் நடைபெற்ற இந்த பிரச்சாரத்தில் திமுக வேட்பாளர் கடற்கரை ராஜ் அவர்கள் நேரடியாக கலந்து கொண்டு பொதுமக்களை சந்தித்து தமிழக அரசு செய்த சாதனைகளை விளக்கி கூறினார்.
அவருடன் வெம்பக்கோட்டை கிழக்கு ஒன்றிய கழகச் செயலாளர் கிருஷ்ணகுமார், முன்னாள் அரசு வழக்கறிஞர் நல்லதம்பி, மற்றும் கூட்டணி கட்சி நிர்வாகிகள் வீடு தோறும் சென்று உதயசூரியன் சின்னத்தில் வாக்களிக்க வேண்டுகோள் விடுத்தனர்.
இந்த நிகழ்வில் பெண்கள், இளைஞர்கள், மூத்த குடிமக்கள் என அனைத்து தரப்பினரும் பெருமளவில் கலந்து கொண்டு வேட்பாளரை உற்சாகமாக வரவேற்று, முழக்கங்களின் மூலம் ஆதரவை வெளிப்படுத்தினர். பல இடங்களில் மக்கள் திரளாக கலந்து கொண்டனர், நிகழ்வு உற்சாகமான அரசியல் சூழலை உருவாக்கியது.
மேலும், திமுக மற்றும் கூட்டணி கட்சிகளைச் சேர்ந்த நிர்வாகிகள் ஏராளமானோர் கலந்து கொண்டு பிரச்சாரத்தை வலுப்படுத்தினர். பொதுமக்களின் இந்த பெரும் ஆதரவு, “வெற்றி நிச்சயம்” என்ற நம்பிக்கையை தெளிவாக வெளிப்படுத்துவதாக கட்சி நிர்வாகிகள் தெரிவித்தனர்.