அதிரடி காட்டும் தங்கம் விலை இன்றைய நிலவரம்!

சென்னையில் ஆபரண தங்கத்தின் விலை சவரன் ரூ.68 ஆயிரத்து 80-க்கு விற்பனை செய்யப்படுகிறது.

சர்வதேச பொருளாதார நிலவரத்துக்கு ஏற்ப, இந்தியாவில் தங்கம் விலை உயர்ந்தும், குறைந்தும் வருகிறது. இந்த ஆண்டில் ஜனவரி 29-ம் தேதி முதல் தங்கம் விலை உயரத் தொடங்கியது. ஜனவரி 31-ம் தேதி ஒரு பவுன் ஆபரண தங்கம் ரூ.61,000-ஐயும், பிப்ரவரி 1-ம் தேதி ரூ.62,000-ஐயும் தாண்டியது. பிப்ரவரி 11-ம் தேதி ரூ.64,480 என்றும், 20-ம் தேதி ரூ.64,560 என்றும் அதிகரித்தது. இதன் பிறகு, ஒருசில நாட்கள் சற்று விலை குறைந்தாலும், பிப்ரவரி 25-ம் தேதி ஒரு பவுன் தங்கம் ரூ.64,600 ஆக உயர்ந்து, புதிய உச்சத்தை தொட்டது. இதன்பிறகு, ஏற்ற இறக்கமாக இருந்து வந்தது. இதன்படி, மார்ச் 28-ம் தேதி தங்கம் விலை கிராம் ஒன்றுக்கு ரூ.105 அதிகரித்து ரூ.8,340-க்கும், சவரனுக்கு ரூ.840 அதிகரித்து ரூ.66,720-க்கும் விற்பனையானது.

இந்த நிலையில் இன்று தங்கம் விலையில் மாற்றமின்றி விற்பனையானது. அதன்படி, சென்னையில் ஆபரண தங்கத்தின் விலை ஒரு கிராம் ரூ.8 ஆயிரத்து 510-க்கும் சவரன் ரூ.68ஆயிரத்து 80-க்கும் விற்பனையாகிறது. தங்கம் விலையை போல, வெள்ளி விலையிலும் மாற்றமில்லை. ஒரு கிராம் வெள்ளி ரூ.114-க்கும், ஒரு கிலோ ரூ.1 லட்சத்து 14 ஆயிரத்துக்கும் விற்பனையானது.