முன்னாள் முதலமைச்சர் மறைந்த கலைஞர் கருணாநிதியின் பிறந்தநாளை முன்னிட்டு ஜூன் 3ஆம் தேதியிலிருந்து திமுகவினர் பல்வேறு நிகழ்ச்சிகளை நடத்திக் கொண்டாடி வருகின்றனர்.
இந்த நிலையில் கருணாநிதியின் பிறந்த நாள் தினமான ஜூன் 3 ஆம் தேதியில் பிறந்த குழந்தைகளுக்கு தங்க மோதிரம் வழங்கும் நிகழ்ச்சி நடைபெற்றது.
போடி மற்றும் பெரியகுளம் அரசு மருத்துவமனை கடந்த 3 ஆம் தேதி பிறந்த குழந்தைகளுக்கு தேனி எம்பி தங்க தமிழ்ச்செல்வன் தங்க மோதிரத்தை அணிவித்தார்.
பெரியகுளம் அரசு மருத்துவமனையில் பிறந்த 7 குழந்தைகளுக்கும், போடி அரசு மருத்துவமனையில் பிறந்த நான்கு குழந்தைகளுக்கும் தங்க மோதிரம் அணிவிக்கப்பட்டது.
மேலும் குழந்தைகளின் தாய்மார்களுக்கும் பழங்கள் மற்றும் ஊட்டச்சத்து பொருட்கள் திமுக சார்பில் வழங்கப்பட்டது.
இந்த நிகழ்ச்சியில் போடி மற்றும் பெரியகுளம் பகுதியைச் சேர்ந்த திமுக நிர்வாகிகள் கலந்து கொண்டனர்.