பிக்பாஸ் தமிழ் 6-வது சீசன் கடந்த அக்டோபர் 9-ஆம் தேதி கோலாகலமாக தொடங்கியது. பிக்பாஸ் நிகழ்ச்சி இன்றுடன் 41-வது நாட்களை நெருங்கியுள்ளது.விறுவிறுப்பாக நடைபெற்று வரும் பிக்பாஸ் நிகழ்ச்சியின் முதல் நபராக சாந்தி எலிமினேட் செய்யப்பட்டார். மேலும் ஜி.பி. முத்து தாமாக முன் வந்து நிகழ்ச்சியை விட்டு வெளியேறினார். பின்னர் அசல், ஷெரினா, மகேஷ்வரி உள்ளிட்டோர் எலிமினேட் செய்யப்பட்டனர். இதில் தற்போது 16 நபர்கள் வீட்டினுள் இருக்கின்றனர்.
இந்நிலையில் மூன்றாவது புரோமோவில் இது டாஸ்க் தான் மாஸ்டர் இதுக்குலாம் பீல் பண்ணாதீங்க மாஸ்டர் என்று ராபர்ட் மாஸ்டருக்கு அசீம் ஆறுதல் கூறுகிறார். தொடர்ந்து ரக்ஷிதா, மாஸ்டர் நான் சொல்றத கொஞ்சம் கேளுங்க என்று கூறுகிறார். அதற்கு ராபர்ட் மாஸ்டர் நான் உன்ன நம்புனேன், இவன நம்புனேன் யாரும் என் கிட்ட பேச வேண்டாம் என்று சொல்கிறார். இதனுடன் இன்றைய புரோமோ முடிவடைகிறது. இந்த புரோமோ சமூக வலைதளத்தில் வைரலாகி வருகிறது.