நடிகர் கமல்ஹாசன் தற்போது பிஸியாக இயக்குனர் ஷங்கர் இயக்கத்தில் தயாராகி வரும் இந்தியன் 2 படத்தில் நடித்து வருகிறார். இதையடுத்து இயக்குனர் மணிரத்னம் இயக்கத்தில் கமல் நடிக்கவுள்ளார். இது கமல்ஹாசனின் 234 படமாக உருவாகிறது. இந்த படத்தில் கதாநாயகியாக நடிக்க நடிகைகள் த்ரிஷா, நயன்தாரா உடன் பேச்சுவார்த்தை நடைபெற்றது. ஆனால் அவர்கள் ஒவ்வொருவரும் ஒவ்வொரு காரணத்தால் நடிக்கவில்லை என கூறப்படுகிறது.
இந்நிலையில் இந்த படத்தில் கதாநாயகியாக நடிக்க தற்போது பாலிவுட் கதாநாயகி வித்யா பாலன் நடிக்க ஒப்பந்தம் செய்துள்ளதாக தகவல் வெளியாகியுள்ளது. இதற்கு முன்பே மணிரத்னம் இயக்கத்தில் வெளிவந்த குரு படத்தில் வித்யா பாலன் நடித்துள்ளார் என்பது குறிப்பிடத்தக்கது.