3வது முறையாக இந்தியப் பிரதமராகத் தேர்ந்தெடுக்கப்பட்டுள்ள நரேந்திரமோடிக்கு தமிழக வெற்றிக் கழகத்தின் தலைவரும், நடிகருமான விஜய் வாழ்த்து தெரிவித்துள்ளார்.
இந்தியாவில் உள்ள மொத்த 543 தொகுதிகளிலும் 7- கட்டங்களாக தேர்தல் நடைபெற்று அதற்கான முடிவுகளும் கடந்த ஜூன்-4 வெளியானது. இதில் பாஜக தலைமையிலான தேசிய ஜனநாயக கூட்டணி 293 இடங்கள் கைப்பற்றி வெற்றி பெற்றது. இதன் மூலம் நரேந்திர மோடி 3-வது முறையாக இந்தியாவின் பிரதமராக பதவி ஏற்று கொண்டார். அவர் பதவியேற்கும் விழாவானது நேற்று மாலை நடந்தது, 3-வது முறையாக பதவியேற்கும் மோடிக்கு உலகெங்கிலும் இருந்து பல நாட்டுகளின் பிரதமர்களின் வாழ்த்துக்கள் குவிந்தது. இந்நிலையில், தமிழக வெற்றி கழக தலைவரும், நடிகருமான விஜய் அவரது எக்ஸ் தளத்தில் 3-வது முறையாக பிரதமராக பதவி ஏற்கும் மோடிக்கு வாழ்த்து தெரிவித்தார்.
அவர் எக்ஸ் தளத்தில், “இந்தியாவின் பிரதமராக மூன்றாவது முறை பதவியேற்றுக் கொண்ட திரு. நரேந்திரமோடிக்கு எனது வாழ்த்துக்களை தெரிவித்துக் கொள்கிறேன்”, என பதிவிட்டிருந்தார்.
