இபிஎஸ் இடைதேர்தல் வேட்பாளராக இவர்தான் தேர்வு செய்யப்படுவார் என முன்பே கணித்தது அரசியல் டுடே..காம்.
ஈரோடு கிழக்கு தொகுதி இடைத்தேர்தல் அறிவிக்கப்பட்ட சில தினங்களிலேயே அதிமுக இபிஎஸ் ,ஓபிஎஸ் அணியினர் வேட்பாளர் தேர்வு குறித்து ஆலோசனையில் ஈடுபட்டனர். பாஜகவினர் போட்டியிடப்போவதாகவும் அக்கட்சியின் மாநில தலைவர் அண்ணாமலை தெரிவித்து வந்தார். இந்நிலையில் அதிமுக இபிஎஸ் அணியின் வேட்பாளராக கே.எஸ்.தென்னரசு தான் நிறுத்தப்படுவார் என்பதை அணித்தரமாக(கடந்த ஜன.26ம் தேதியே) முன்பே அரசியல் டுடே.காம் தெரிவித்ததை நினைவுபடுத்த விரும்புகிறோம். வேறு இணைய தகளங்கள் ,செய்திதாள்களில் வெளிவராத வேட்பாளர் கே.எஸ்.தென்னரசு குறித்த முழுவிபரத்தையும் ,பல கூடுதல் தகவல்களையும் வெளியிட்டுள்ளோம் என்பதை தெரிவித்துக்கொள்கிறோம்.
வேட்பாளர் கே.எஸ் .தென்னரசு குறித்த தகவல்கள்
கே எஸ் தென்னரசு இவர் கடந்த 2001 ஆம் ஆண்டு முதல் 2006 வரை பிரிக்கப்படாத ஈரோடு தொகுதி எம்எல்ஏவாக இருந்தவர். பின்னர் 2016 முதல் 2021 வரை ஈரோடு கிழக்கு தொகுதி எம்எல்ஏவாக இருந்துள்ளார். ஈரோடு மண்ணின் மைந்தரான கே எஸ் தென்னரசு தொகுதி மக்களிடையே பிரபலமானவர். கொங்கு வேளாளக் கவுண்டர் சமூகத்தை சேர்ந்தவர்.
ஸ்கிரீன் பிரிண்டிங் தொழில் செய்து வந்தவர். ஏழை எளிய மக்கள் எளிதில் அணுகக் கூடியவராக இருப்பதோடு சுமை தூக்கும் தொழிலாளர்கள் மற்றும் ஆட்டோ தொழிலாளர்கள் என அனைவரிடமும் தோழமையுடன் பாசத்துடனும் இருந்து வருபவர். ஈரோட்டில் மேம்பாலம் கொண்டு வந்தவர். அரசு தலைமை மருத்துவமனை இவர் எம்எல்ஏவாக இருந்தபோது தரம் உயர்த்தப்பட்டு மல்டி லெவல் ஹாஸ்பிடலாக மாற்றியவர். ஈரோடு நகரில் முதலியார் சமூகத்தை சேர்ந்தவர்கள் மெஜாரிட்டியாக இருப்பதால் அவர்கள் வாக்கு வங்கியை சுலபமாக தன் பக்கம் இழுக்கும் அளவுக்கு அவர்களோடு மிகுந்த நெருக்கத்தோடு இருப்பவர் என்பதால் ஆளுங்கட்சிக்கு டாப் ஃபைட் கொடுப்பார் என்பதால் இவரை அதிமுகவில் ஏக மனதாக தேர்ந்தெடுக்கப்பட்டு இருப்பதாக இபிஎஸ் வட்டாரத்தில் பேசப்படுகிறது.கே.எஸ் .தென்னரசுவை வெற்றி பெற செய்ய வேண்டும் என முன்னாள் அமைச்சர்கள்,ஈரோடு தொகுதி அதிமுக தொண்டர்களும் தீவிரமாக பணியாற்றி வருகின்றனர்.ஈரோடு கிழக்கு தொகுதியில் கே.எஸ். தென்னரசு வெற்றி பெறுவார் என அத்தொகுதிமக்கள் எதிர்பார்க்கின்றனர்.
