லிங்குசாமி இயக்கத்தில் வெளியான ‘தி வாரியர்’ திரைப்படத்தில் ராம் போத்தினேனி, ஆதி, க்ரித்தி ஷெட்டி, அக்ஷரா கவுடா, நதியா, ரெடின் கிங்ஸ்லி போன்ற பலர் நடித்துள்ளனர். ஜூலை-14ம் தேதி திரையரங்குகளில் வெளியான இந்த படம் ஓடிடி தளமான ஹாட்ஸ்டாரில் இந்த மாதம் வெளியாகிறது.
என்.ராகவன் இயக்கத்தில் குழந்தைகளுக்கான சிறந்த பொழுதுபோக்கு படமாக தமிழில் வெளியான படம் 'மை டியர் பூதம்'. இந்த படத்தில் பிரபுதேவா, ரம்யா நம்பீசன், சம்யுக்தா மற்றும் அஷ்வந்த் போன்ற பலர் நடித்துள்ளனர். திரையரங்குகளில் வெளியான இந்த படம் தற்போது ஜீ5 ஓடிடி தளத்தில் வெளியாகவுள்ளது.
மேலும் இதே ஓடிடி தளத்தில் ஹரி இயக்கத்தில் அருண் விஜய் நடிப்பில் வெளியான 'யானை' படமும் வெளியாகவுள்ளது. இந்த படத்தில் பிரியா பவானி ஷங்கர், சமுத்திரக்கனி, யோகி பாபு, அம்மு அபிராமி போன்ற பல நட்சத்திரங்கள் நடித்துள்ளனர்.
கிஷோர் என் இயக்கத்தில் சிபிராஜ் மற்றும் தான்யா ரவிச்சந்திரன் ஆகியோரது நடிப்பில் கடந்த ஜூன் மாதம் 'மாயோன்' படமும், அறிமுக இயக்குனர் சந்தீப் ஷாம் இயக்கத்தில் அசோக் செல்வன் நடிப்பில் வெளியான 'வேழம்' படமும் இந்த மாதம் சிம்ப்ளி சவுத் ஓடிடி தளத்தில் வெளியாகவுள்ளது. மேலும் இதே தளத்தில் விஜய் குமார் ராஜேந்திரன் இயக்கத்தில் அருள்நிதி நடிப்பில் வெளியான ஆக்ஷன் கலந்த த்ரில்லர் படமான 'டி பிளாக்' மற்றும் வினோத் இயக்கத்தில் சிபிராஜ் நடிப்பில் வெளியான ரங்கா படமும் வெளியாகவுள்ளது.ரூசோ பிரதர்ஸ் இயக்கத்தில் உருவாகியுள்ள ஹாலிவுட் திரைப்படமான ‘தி க்ரே மேன்’ ஜூலை 22ம் தேதி நேரடியாக நெட்ப்ளிக்ஸ் தளத்தில் வெளியாகவுள்ளது. இந்த படத்தின் மூலம் தமிழ் சினிமாவின் முன்னணி நடிகர்களுள் ஒருவரான தனுஷ் ஹாலிவுட்டில் கால் பதித்துள்ளார். தற்போது தனுஷ் இந்த படத்தின் புரமோஷன் பணிகளுக்காக லண்டலில் உள்ளார்.