கோவையில் நடைபெறும் இன்டெக் 2026 கண்காட்சியில், எல்ஜி எக்யுப்மென்ட்ஸ் நிறுவனம் அதிநவீன காற்றழுத்த கம்ப்ரசர் தீர்வுகளை காட்சிப்படுத்தியது.
கோவை கொடிசியா வர்த்தகக் கண்காட்சி வளாகத்தில் நடைபெற்று வரும் 21-வது இன்டெக் 2026 சர்வதேச இயந்திரக் கருவிகள் மற்றும் தொழில்துறை வர்த்தகக் கண்காட்சியில், காற்றழுத்த கம்ப்ரசர் உற்பத்தித் துறையின் முன்னணி நிறுவனமான எல்ஜி எக்யுப்மென்ட்ஸ் தனது சமீபத்திய கம்ப்ரெஸ்ட்டு ஏர் தொழில்நுட்பங்கள் மற்றும் தீர்வுகளை காட்சிப்படுத்தியுள்ளது.ஜூன் 8 வரை நடைபெறும் இந்தக் கண்காட்சியில் 70 ஆயிரத்திற்கும் மேற்பட்ட தொழில்துறை நிபுணர்கள், உற்பத்தியாளர்கள் மற்றும் வணிகப் பிரதிநிதிகள் பங்கேற்பார்கள் என எதிர்பார்க்கப்படுகிறது.
கண்காட்சியின் பிளாட்டினம் ஆதரவாளராக பங்கேற்றுள்ள எல்ஜி எக்யுப்மென்ட்ஸ், தொழில்துறைகளின் செயல்திறனை மேம்படுத்தும் மற்றும் ஆற்றல் பயன்பாட்டை குறைக்கும் பல்வேறு காற்றழுத்த கம்ப்ரசர் அமைப்புகள் மற்றும் துணை உபகரணங்களை காட்சிப்படுத்தியுள்ளது.இந்த நிறுவனத்தின் நிர்வாக இயக்குநர் டாக்டர் ஜெய்ராம் வரதராஜ் கூறுகையில், தொழில்துறைகள் தற்போது அதிக ஆற்றல் திறன், நம்பகத்தன்மை மற்றும் குறைந்த பராமரிப்பு செலவைக் கொண்ட தீர்வுகளை எதிர்பார்க்கின்றன என்றும்ப்இந்த தேவைகளை பூர்த்தி செய்யும் வகையில், உற்பத்தித் திறனை அதிகரிப்பதோடு மொத்த இயக்கச் செலவுகளையும் குறைக்கும் தொழில்நுட்பங்களை எல்ஜி தொடர்ந்து உருவாக்கி வருவதாக தெரிவித்தார்.
எல்ஜி எக்யுப்மென்ட்ஸ் நிறுவனத்தின் தலைமை செயல்பாட்டு அதிகாரி அன்வர் ஜெய் வரதராஜ் கூறுகையில், கம்ப்ரெஸ்ட்டு ஏர் அமைப்புகள் மேலும் அறிவார்ந்ததாகவும், இணைக்கப்பட்டதாகவும், ஆற்றல் திறன் மிக்கதாகவும் மாறிவரும் நிலையில், வாடிக்கையாளர்களின் செயல்திறனை மேம்படுத்தவும், இயக்கச் செலவுகளைக் குறைக்கவும் உதவும் தொழில்நுட்பங்களை உருவாக்குவதில் நிறுவனம் தொடர்ந்து முதலீடு செய்து வருவதாக தெரிவித்தார்.