மின்னல் முரளி படத்தால் மோகன்லால் பட வாய்ப்பு கிடைத்த குரு சோமசுந்தரம்

ஜோக்கர் படம் மூலம் வித்தியாச நடிப்பை வெளிப்படுத்தி வெளிச்சத்துக்கு வந்தவர் நடிகர் குரு சோமசுந்தரம். ரஜினியின் பேட்ட, சமீபத்தில் வெளியான ஜெய் பீம் உள்ளிட்ட சில படங்களில் நடித்த குரு சோமசுந்தரம் சமீபத்தில் வெளியான மின்னல் முரளி படத்தில் ஆன்டி ஹீரோவாக நடித்துள்ளார்.. அதிலும் நாயகன் டொவினோ தாமஸுக்கு சமமான முக்கியத்துவம் வாய்ந்த இன்னொரு சூப்பர்மேன் கதாபாத்திரத்தில் நடித்திருக்கும் இவரது நடிப்பு பலராலும் பாராட்டப்படுகிறது.

இந்தப்படத்தை பார்த்துவிட்டு நடிகர் மோகன்லாலும் குரு சோமசுந்தரத்தை தொலைபேசியில் அழைத்து பாராட்டியுள்ளார். மேலும் மோகன்லால் தற்போது தான் இயக்கிவரும் பாரோஸ் படத்திலும் குரு சோமசுந்தரத்திற்கு ஒரு கதாபாத்திரம் இருப்பதாக கூறியதோடு, எப்போது வேண்டுமானாலும் பயணப்படுவதற்கு தயாராக இருங்கள் என்றும் கூறியுள்ளாராம். இந்த தகவலை குரு சோமசுந்தரமே மகிழ்ச்சியுடன் தெரிவித்துள்ளார்.