லயன்ஸ் கிளப், திருச்சி பாரதிதாசன் பல்கலைகழகம் இணைந்து நடத்திய இலவச மருத்துவ முகாம் நடைபெற்றது.
லயன்ஸ் கிளப் ஆஃப் கம்பம் இமை, லியோ கிளப் ஆஃப் கம்பம் கயல், திருச்சி பாரதிதாசன் பல்கலைகழகம் இணைந்து நடத்திய இலவச பல், காது மூக்கு தொண்டை, கண் மற்றும் பொது மருத்துவ பரிசோதனை முகாம் கம்பம் ஸ்ரீ முத்தையா பிள்ளை நினைவு மேல்நிலைப்பள்ளியில் நடைபெற்றது. பட்டயத் தலைவர் சுரபிபாஸ்கரன் அனைவரையும் வரவேற்றார். முகாமில் பல் சிறப்பு மருத்துவர் விவேகானந்தன், காது, மூக்கு, தொண்டை சிறப்பு மருத்துவர் வேலுமணி, சக்கரை, இரத்த கொதிப்பு, இருதய நோய், நரம்பு தளர்ச்சி நிபுணர், தேனி அரசு மருத்துவ கல்லூரி துணை பேராசிரியர், தியாகராஜன் குழுவினர் ஆகியோர்கள் இலவச மருத்துவ பரிசோதனையும் ஆலோசனையும் வழங்கினர்.
பள்ளியை சுற்றி உள்ள திருவள்ளுவர் காலனி, கக்கன் காலனி, டிடிவி காலனி, மணி நகரம், மஞ்சள் குளம், சாமாண்டி புரம், ஆங்கூர் பாளையம் உள்ளிட்ட பகுதிகளைச் சேர்ந்த ஏராளமான மக்கள் இலவசமாக மருத்துவ பரிசோதனை செய்து கொண்டனர்.
லயன்ஸ் கிளப் குழு, கம்பம் ஸ்ரீ ஆதிசுஞ்சன கிரி பெண்கள் கல்லூரி மாணவிகள், எகோ கிளப் தன்னார்வலர்கள் மற்றும் பள்ளி சாரணர், பசுமை படை மாணவர்கள், ஜேஆர்சி மாணவர்கள், இந்தியன் ரெட் கிராஸ் சொசைட்டி ஆசிரியர் பாண்டி தலைமையிலான மாணவர் குழுவினர் சேவையாற்றினார்கள். நிகழ்ச்சியில், பட்டய செயலாளர் காமராஜன், தலைவர் கண்ணன், செயலாளர் கார்த்தீஸ்வரன், பொருளாளர் பெரியசாமி
சேவை திட்ட தலைவர்கள் மருதுபாண்டியன், பாலசந்திரன், உதயகுமார் மற்றும் இமை லயன்ஸ் சங்க உறுப்பினர்கள், லியோ கிளப் ஆப் கம்பம் கயல் உறுப்பினர்கள், பொன் காட்சி கண்ணன், லோகநாதன் உட்பட பலர் கலந்து கொண்டனர்.
