ஜியோ ஸ்டுடியோஸ் மற்றும் பி62 ஸ்டுடியோஸ் தயாரித்த துரந்தர் படம், துரந்தர் பழிவாங்கல் படத்தின் ரிலீஸ்க்கு முன்னதாக மார்ச் 12 இன்று முதல் இந்தியாவிலும், மார்ச் 13 நாளை முதல் உலகம் முழுவதும் மீண்டும் திரையரங்குகளில் வெளியாகிறது.
வரும் மார்ச் 19 அன்று இரண்டாம் பாகம் வெளியாக உள்ள நிலையில், உலக அளவில் பிளாக்பஸ்டர் ஆன அதன் முதல் பாகம் சர்வதேச அளவில் மீண்டும் திரையிடப்பட உள்ளது.
துரந்தர் திரைப்படத்தின் அலையே இன்னும் ஓயவில்லை. மிகவும் எதிர்பார்க்கப்பட்ட துரந்தர் பழிவாங்கல் திரைப்படம் மார்ச் 19 அன்று வெளியாக உள்ள நிலையில், ஜியோ ஸ்டுடியோஸ் மற்றும் பி62 ஸ்டுடியோஸ் இணைந்து பிளாக்பஸ்டர் ஹிட்டான துரந்தர் முதல் பாகத்தை மீண்டும் திரைக்கு கொண்டு வருகின்றன. உலகெங்கிலும் சுமார் 500 திரைகளில் இப்படம் மீண்டும் வெளியாகிறது.
இந்தியாவில் மார்ச் 12 இன்று முதல் 250 திரைகளிலும், வெளிநாடுகளில் மார்ச் 13 முதல் 250 திரைகளிலும் திரையிடப்பட உள்ளது. ஸ்பை-ஆக்ஷன் ஜானரில் புதிய மைல்கல்லை படைத்த இந்த திரைப்படத்தை மீண்டும் ஒருமுறை தியேட்டரில் கொண்டாடும் அற்புதமான வாய்ப்பை ரசிகர்களுக்கு இந்த ரீ-ரிலீஸ் வழங்குகிறது.
முதல் பாகத்தை பார்த்த சில நாட்களிலேயே இதன் இரண்டாம் பாகத்தையும் பெரிய திரையில் ரசிகர்கள் கண்டு மகிழலாம்.
இந்தியாவில் முன்னணி திரைப்படங்கள் மீண்டும் ரிலீஸ் ஆவது வழக்கமான ஒன்றுதான் என்றாலும், இந்தி படங்கள் சர்வதேச அளவில் ரீ-ரிலீஸ் ஆவது மிகவும் அரிதான விஷயமாகும்.
அந்த வகையில் துரந்தர் படத்திற்கான உலகளாவிய எதிர்பார்ப்பை இது எடுத்துக்காட்டுகிறது. வட அமெரிக்காவில் மட்டும் சுமார் 185 திரைகளில் இப்படம் மீண்டும் வெளியாகவுள்ளது.
கூடுதல் சிறப்பம்சமாக, துரந்தர் பழிவாங்கல் திரைப்படத்தின் சிறப்பு பிரீமியர் காட்சிகள் உலகளாவிய வெளியீட்டிற்கு ஒரு நாள் முன்னதாக, மார்ச் 18 புதன்கிழமை அன்று அமெரிக்கா மற்றும் கனடாவில் திரையிடப்பட உள்ளன.
ஹாலிவுட் படங்களுக்கு இணையான டால்பி அட்மாஸ் சவுண்ட் சிஸ்டம், மேம்பட்ட புரொஜெக்ஷன் மற்றும் நல்ல இருக்கைகள் கொண்ட பிரீமியம் லார்ஜ் ஃபார்மேட் திரைகளில் இந்த பிரீமியர் காட்சிகள் நடைபெறவுள்ளன.
இந்த பிரீமியர் காட்சிகளுக்கான டிக்கெட்டுகள் ஏற்கனவே விற்று தீர்ந்துவிட்டன என்பது படத்தின் மீதான மாபெரும் எதிர்பார்ப்பை உணர்த்துகிறது.
சமீபத்தில் வெளியான துரந்தர் பழிவாங்கல் ட்ரெய்லர் உலக அளவில் பேசுபொருளாக மாறியுள்ளது.
இரண்டாம் பாகம் வெளியாவதற்கு சில நாட்களுக்கு முன்பே முதல் பாகம் மீண்டும் திரைக்கு வருவதால், துரந்தர் திரைப்படத்தின் விறுவிறுப்பையும் பிரம்மாண்டத்தையும் உலகெங்கிலும் உள்ள ரசிகர்கள் மீண்டும் ஒருமுறை அனுபவிக்க வாய்ப்பாக அமைந்துள்ளது.
ஜியோ ஸ்டுடியோஸ் வழங்கும், பி62 ஸ்டுடியோஸ் தயாரிப்பில், ஆதித்யா தர் இயக்கத்தில் உருவாகியுள்ள படம் துரந்தர் பழிவாங்கல்.
ஆதித்யா தர் எழுதி இயக்கியுள்ள இந்த ஹை-ஆக்டேன் ஸ்பை-ஆக்ஷன் த்ரில்லர் திரைப்படத்தை ஜோதி தேஷ்பாண்டே மற்றும் லோகேஷ் தர் தயாரித்துள்ளனர்.
இப்படம் மார்ச் 19, 2026 அன்று இந்தி, தமிழ், தெலுங்கு, மலையாளம் மற்றும் கன்னடம் ஆகிய ஐந்து மொழிகளில் உலகம் முழுவதும் வெளியாகிறது.
அடையாளம் தெரியாத மனிதர்களின் கதையான இது, குடி பத்வா, உகாதி பண்டிகைகளை முன்னிட்டும், ரம்ஜானுக்கு முன்பாகவும் மார்ச் 19, 2026 அன்று உலகம் முழுவதும் திரைக்கு வருகிறது.