புதுக்கோட்டையில் புதிதாக கட்டப்பட்டுள்ள புதிய பேருந்து நிலையத்தை தமிழக முதல்வர் ஜோசப் விஜய் திறந்து வைக்க உள்ள நிலையில், அவருக்கு வரவேற்பு அளிக்க திரண்டிருந்த மக்கள் கூட்டத்தில் பெண் ஒருவர் வெயிலின் தாக்கத்தால் மயங்கி விழுந்தது அப்பகுதியில் பெரும் பரபரப்பை ஏற்படுத்தியுள்ளது.
புதுக்கோட்டை புதிய பேருந்து நிலைய திறப்பு விழாவில் பங்கேற்பதற்காக தவெக தலைவர் விஜய் வருகை தரவுள்ளார். அவரை காண்பதற்காகவும், உற்சாக வரவேற்பு அளிப்பதற்காகவும் அதிகாலை முதலே சிறியவர்கள், பெரியவர்கள், கல்லூரி மாணவ – மாணவிகள் என ஆயிரக்கணக்கான பொதுமக்கள் மற்றும் தொண்டர்கள் திரண்டு காத்திருந்தனர்.
இந்நிலையில், புதுக்கோட்டை காமராஜபுரம் பகுதியைச் சேர்ந்த ஹேமா ஸ்ரீ என்ற பெண், கூட்ட நெரிசல் மற்றும் கடும் வெயிலின் தாக்கம் காரணமாக திடீரென மயங்கி கீழே விழுந்தார். இதைக் கண்டு அதிர்ச்சியடைந்த சுற்றியிருந்தவர்கள் சத்தமிடவே, அப்பகுதியில் பரபரப்பான சூழல் நிலவியது.
உடனடியாக பாதுகாப்பு பணியில் ஈடுபட்டிருந்த காவல்துறையினர் விரைந்து செயல்பட்டு, மயக்கமடைந்த ஹேமா ஸ்ரீ மீட்டு, பாதுகாப்பான இடத்திற்கு கொண்டு சென்று முதலுதவி சிகிச்சை அளித்தனர். இச்சம்பவம் அப்பகுதியில் சிறிது நேரம் பரபரப்பை ஏற்படுத்தியது.