நீலகிரி மாவட்டத்தில் வசிக்கும் படுக இன மக்கள் தங்களது பாரம்பரியம், உடை, கலாச்சாரம் முற்றிலும் மாறுப்பட்டது. இந்த படுக இன மக்கள் தங்களது கால கணக்கை 12 வடிவங்களில் நிர்ணயித்துள்ளனர். இது குறித்து படுக சமுதாய நெலு கோலு அறக்கட்டளை வெளியிட்டுள்ளதாவது:
- படுகர் நாள்கணக்கில் சூரியன் உதயத்திலிருந்து மறு நாள் சூரியன் உதயம் வரை ஒரு நாள்.
- ஒரு வாரத்திற்கு ஏழு நாள்கள்; வாரம் திங்கட்கிழமையில் தொடங்குகிறது.
- ஊ ஜெந (வளர்பிறை) பதினைந்து நாள்கள்.
- அவ் ஜெந (தேய்பிறை) பதினைந்து நாள்கள்.
- படுகர் மாதம் சந்திரமானக் கணக்கை (lunar) அடிப்படையாகக் கொண்டது.
- படுகர் மாதம் அமாவாசைக்கு அடுத்த நாளில் பிறக்கிறது.
- படுகு மாதங்கள்: 1. கூடலு, 2. ஆலாநி, 3. நல்லாநி, 4. ஆநி, 5. ஆதிரெ, 6. பேராடி, 7. ஆவாநி, 8. பெரட்டாதி, 9. 0தொ0ட்0ட 0தீவிகெ, 10. கிரு 0தீவிகெ, 11. தய், 12. எம்மாட்டி.
- படுகர் ஆண்டு சூரியமானக் கணக்கை (solar) அடிப்படையாகக் கொண்டது.
- படுகர் ஆண்டும் ஓர் அமாவாசைக்கு அடுத்த நாளில் பிறக்கிறது.
- படுகர் காலக்கணக்கு சந்திரன் – சூரியன் (luni-solar) அடிப்படையானது.
- படுகர் ஆண்டு உத்திராயன தொடக்க நாளான டிசம்பர் 21 ஆம் தேதியை ஒட்டிய அமாவாசைக்கு அடுத்த நாளில் பிறக்கிறது.
- இரண்டு ஆண்டுகள் கழித்து வரும் மூன்றாம் ஆண்டு சரி 0பருச. அப்பொழுது ஆண்டுக் கடைசியில் வரும் ஒரு முட்டு (அமாவாசை) கணக்கில் எடுத்துக்கொள்வதில்லை.
