மதுரை மாவட்டம் திருமங்கலத்தை அடுத்த கள்ளிக்குடியில் உள்ள ஸ்ரீ சூலக்கருப்பசாமி திருக்கோயிலில் 11 வது ஆண்டு திருவிழா நடைபெற்றது . இத் திருக்கோயில் ஆண்டுதோறும் புரட்டாசி மாதம் கடைசி தினத்தன்று திருவிழா நடைபெறுவது வழக்கம்.
அது போல் இந்த ஆண்டு, ஸ்ரீ சூலக்கருப்பசாமியிடம் நேர்த்திக் கடனாக வேண்டிக் கொண்ட பக்தர்கள் அளித்த 10-க்கும் மேற்பட்டஆடுகள் மற்றும் 80-க்கும் மேற்பட்ட சேவல்களை வைத்து நள்ளிரவில் பிரியாணி சமைத்து அதிகாலையில் , ஸ்ரீசூலக் கருப்பசாமிக்கு சிறப்பு பூஜைகள் நடத்திய பின்பு, கள்ளிக்குடி, சிவரக்கோட்டை , அகத்தாபட்டி, ஓடைப்பட்டி உள்ளிட்ட சுற்றுவட்டார பகுதியில் இருந்து வந்த 2500 க்கும் மேற்பட்ட பக்தர்களுக்கு பிரசாதமாக பிரியாணியை விழா குழுவினர் வழங்கினர்
