Madras High Court: டிக்டாக் தடை குறித்து ஏப்ரல் 24ல் முடிவெடுக்க உச்சநீதிமன்றம் உத்தரவு

"இந்த செயலியை பயன்படுத்திய 400க்கும் மேற்பட்டவர்கள் தற்கொலை செய்து கொண்டுள்ளனர். பல்வேறு வகையிலும் தீமையை தரும் டிக்-டாக் செயலிக்கு தடை விதித்து உத்தரவிட வேண்டும்." என வலியுறுத்தி எஸ். முத்துக்குமார் என்பவர் வழக்கு தொடர்ந்தார்.

டிக்-டாக் செயலிக்கு விதிக்கப்பட்ட தடையை நீக்கம் குறித்து மறுவிசாரணை நடத்துமாறு உச்சநீதிமன்றம் சென்னை உயர்நீதிமன்றத்துக்கு உத்தரவிட்டுள்ளது.


சீனாவில் இருந்து ‘டிக்-டாக்’ என்னும் செயலி கடந்த 2016-ம் ஆண்டு செப்டம்பர் மாதம் அறிமுகப்படுத்தப்பட்டு உள்ளது. இளைஞர்கள், மாணவர்கள் மட்டுமின்றி பொதுமக்களும் இந்த செயலியை பயன்படுத்தி வருகின்றனர்.


"இந்த செயலியை பயன்படுத்திய 400க்கும் மேற்பட்டவர்கள் தற்கொலை செய்து கொண்டுள்ளனர். பல்வேறு வகையிலும் தீமையை தரும் டிக்-டாக் செயலிக்கு தடை விதித்து உத்தரவிட வேண்டும்." என வலியுறுத்தி எஸ். முத்துக்குமார் என்பவர் வழக்கு தொடர்ந்தார்.


இந்த வழக்கில் டிக்-டாக் செயலியை தடை செய்து உத்தரவிட்ட நீதிபதிகள் டிக்-டாக் செயலி மூலம் எடுத்த வீடியோக்களை தொலைக்காட்சிகளில் ஒளிபரப்பரக்கூடாது எனவும் சென்னை உயர்நீதிமன்றம் உத்தரவிட்டது.

இந்நிலையில் இதனை எதிர்த்து உச்சநீதிமன்றத்தில் தொடரப்பட்ட மேல் முறையீட்டு வழக்கு இன்று தலைமை நீதிபதி ரஞ்சன் கோகாய் தலைமையிலான அமர்வு முன் விசாரணைக்கு வந்தது.

அப்போது, டிக்-டாக் செயலி மீதான தடை குறித்து வரும் ஏப்ரல் 24ஆம் தேதி சென்னை உயர்நீதிமன்றம் மீண்டும் விசாரித்து முடிவெடுக்க வேண்டும் எனவும் தவறினால் தடை உத்தரவு நீக்கப்பட்டதாக கருதப்படும் எனவும் அறிவிக்கப்பட்டுள்ளது.

தொடர்புடைய செய்திகள்