ஏப்ரல் 19ல் 12ஆம் வகுப்பு பொதுத்தேர்வு முடிவுகளை வெளியிட ஆசிரியர்கள் எதிர்ப்பு

ஏப்ரல் 18ஆம் தேதி தேர்தல் நாள் என்பதால் அதற்கு மறுநாள் 12ஆம் வகுப்பு பொதுத்தேர்வு முடிவுகள் வெளியிடக் கூடாது என தமிழ்நாடு முதுநிலை பட்டதாரி ஆசிரியர்கள் கூட்டமைப்பினர் வலியுறுத்தியுள்ளனர்.

தமிழகம் மற்றும் புதுச்சேரியில் நடைபெற்ற 12ஆம் வகுப்பு பொதுத்தேர்வுகளை ஏப்ரல் 19ஆம் தேதி வெளியிடக் கூடாது என ஆசிரியர்கள் எதிர்ப்பு தெரிவித்துள்ளனர்.


12ஆம் வகுப்பு பொதுத்தேர்வு முடிவுகள் ஏப்ரல் 19 தேதி வெளியாகும் என அறிவிக்கப்பட்டுள்ளது. இதனை பள்ளிக்கல்வித்துறையின் அதிகாரப்பூர்வ இணையதள பக்கத்தில் சென்று மாணவர்கள் தெரிந்து கொள்ளலாம் எனவும் கூறப்பட்டுள்ளது.


இந்நிலையில் தமிழ்நாடு முதுநிலை பட்டதாரி ஆசிரியர்கள் கூட்டமைப்பினர் ஏப்ரல் 19ஆம் தேதி முடிவுகளை வெளியிடக் கூடாது என வலியுறுத்தியுள்ளனர். ஏப்ரல் 18ஆம் தேதி தேர்தல் நாள் என்பதால் வாக்குச் சாவடி பணிகளில் ஈடுபட்டிருக்கும் ஆசிரியர்கள் வெள்ளிக்கிழமை பணிக்குத் திரும்புவது கடினம் என்பதால் முடிவுகள் வெளியிடும் தேதியை மாற்றக் கோரியுள்ளனர்.


2018-19ஆம் கல்வியாண்டுக்கான பன்னிரெண்டாம் வகுப்பு பொதுத்தேர்வு கடந்த மார்ச் மாதம் நடைபெற்றது. 10ஆம் வகுப்புக்கு மார்ச் 14 முதல் 29 வரையிலும், 12ஆம் வகுப்புக்கு மார்ச் 1 முதல் 19 வரையிலும் தேர்வுகள் நடைபெற்றன.

தொடர்புடைய செய்திகள்